Trafikksikker kommune. Fv. kommunedirektør Ingeborg Skjølingstad, koordinator for trygge barn på skuleveg Julie Rosberg, kommunalsjef oppvekst og kultur Ingrid Sofie Rundhaug, rådgjevar teknisk/miljø Geir Øvernes, kommunalsjef helse og omsorg Grethe Heimvik, kommunalsjef administrasjon Solrunn Alvestad, ordførar Osmund Våga, Regionleiar i Trygg Trafikk Rogaland Ingrid Lea Mæland, konstituerande rektor Anne Lisabeth Jøsang, helsesjukepleiar Henriette Lindanger og barnehagestyrar Kate Åse Helgø.
Jardar Havikbotn
Bokn kommune er den 149. kommunen i landet og den 17. i Rogaland som mottar dette «kvalitetsstemplet». Godkjenninga varer i 3 år. Etter den tid må kommunane re-godkjennast.
Godkjenninga er eit organisatorisk trafikksikkerheitstiltak, som gjennom system og rutinar skal kvalitetssikra at kommunen arbeider systematisk med trafikksikkerheit i alle sektorane i kommunen.
Regionleiarr Ingrid Lea Mæland i Trygg Trafikk Rogaland er svært tilfreds med kommunen sitt dokumentasjonsarbeid.
- Bokn kommune har tradisjon for godt ulykkesførebyggande arbeid, noko som gjenspeglast i den dokumentasjonen og det arbeidet kommunen har gjort i forkant av godkjenninga, seier ho. Tiltaket blei vedtatt politisk og forankra i kommuneleiinga, og me meiner at organisasjonen har hatt ein god prosess i arbeidet for å samla og synliggjera innsatsen for trafikksikkerhet, seier regionlederen.
Positiv effekt
På oppdrag frå Trygg Trafikk har Transportøkonomisk institutt (TØI) undersøkt effekten av godkjenningsordninga.
TØI-rapporten frå november 2021 konkluderer med at tilnærminga i Trafikksikker kommune er i tråd med tidlegare studier, som viser at tiltak retta mot sikkerheitskultur og sikkerheitsleiing kan gi betydeleg nedgang i trafikkulykker.
Kommunen har ansvar for trafikksikkerheit som vegeigar, barnehage - og skuleeigar, arbeidsgivar, kjøpar av transporttenester og ansvarleg for bubuarane si helse og trivsel.
Kriteria for ein trafikksikker kommune finn du her: https://www.tryggtrafikk.no/opplaering/trafikksikker/
Det er eit nasjonalt mål at det innan utgangen av 2025 skal vera 200 godkjende kommunar i Noreg.